Ахуырад æмæ наукæйы министрады уынаффæмæ гæсгæ 19, 20,21 апрелы горæт Дзæуджыхъæуы рæвдауæндæттæй цалдæры арæзт цæуынц дæнцон ахуыртæ ирон æвзагæй. Абон уал 46-æм рæвдауæндон парахат байгом кодта йæ дуæрттæ. Хетæгкаты Заремæ йæ хъомылгæнинæгтимæ равдыстой, уалдзæджы тыххæй цы базыдтой, уый. Хуынд адæмы ʼхсæнмæ рахастой сæ дæсныйад, зæ зонындзинæдтæ. Хуынд адæмы ʼхсæн уыдысты Дзæуджыхъæуы ахуырады управленийы сæргълæууæг Гозымты Роман, Ахуыргæнджыты зонындзинæдтæ уæлдæргæнæн институты ирон æвзаджы кафедрæйы ахуыргæнæг Джанайты Ларисæ, газет «Рæстдзинад»-ы сæйраг редактор Битарты Маринæ, æхсæнад «Иудзинад»-ы сæргълæууæг Кучиты Батраз, «Стыр Ныхас»-ы минæвар Тæутиаты Минтæ, районты методисттæ, рæвдауæндæтты сæргълæуджытæ æмæ хъомылгæнджытæ.
Ахуыртæн скодтой хатдзæгтæ. Сæ хъуыдытæ загътой методисттæ, хъомылгæнинæгтæ, 77-æм рæвдауæндоны сæргълæууæг Хъалæгаты Фатимæ, 33-æм скъолайы цы рæвдауæндон арæзт æрцыд, уый сæргълæууæг Бестауты Зæирæ
Бæстон ныхас цыд программæтыл, чингуытыл, ног федералон стандарттæм гæсгæ куыд кусынц, цавæр хæстæ æвæрынц сæ размæ æмæ лыггæнинаг фæрстытыл.
Гозымты Роман куыд загъта, афтæмæй нæ мадæлон æвзаг амонынæн, не ʼгъдау бахъахъхъæнынæн бындур æвæрд цæуы рæвдауæндæтты, хъомылгæнæгæн стыр ахадындзинад ис уыцы хъуыддаджы.

Ссылка на статью