Конкурс «Сатана»

Автор статьи: Администратор/23 декабря 2016 г./Категории: МОиН РСО-Алания

8-æм декабры Цæгат-Кавказы аграрон-технологон колледжы уагъд æрцыдис конкурс «Сатана». Ирон æвзаджы ахуыргæнджытæ: Гæбиты Давиды чызг Мэри, Хохойты Хъазыбеджы чызг Аллæ, Дулаты Владимиры чызг Залинæ, Туаты Ирбеджы чызг Дианæ скодтой æцæг ирон бæрæгбон. Изæр байгом кодта 15.14 къорды ахуырдзау Гæбæраты Роксанæ, кæцы радзырдта Сатанайы царды тыххæй уазджытæн. Сатана та уыди Мæхъиты Аленæ (15.15 къ.) кæцы æрбацæуæг адæмæн арфæтæ ракодта æмæ зæрдæ бавæрдта, алыхатт дæр сын æххуыс кæй кæндзæн.

Конкурсы уыд ахæм номинацитæ: ирон хæринæгтæ, ахуырдзауты хикъухтæй конд алыхуызон дзаумæттæ, къулыгазеттæ, рæсугъд ракуывд бæрæгбоны фæдыл, аив радзурын Сатанайы царды хабæрттæй. Уыдис дзы цыбыр ерыстæ лæппуты æмæ чызджыты `хсæн «Чи тагъддæр»:

-дзыккутæ бийын;

-сывæллон тухон;

-картоф стигъын;

-цæппузыртæ хуыйынæй.

Ерысты хатдзæгтæм гæсгæ хорзæхджынгонд æрцыдысты:

Номинаци «Хæринæгтæ»:

Чъиритæ — I бынат радтой Бокъоты Фатимæйæн (13.14).

Бæгæны -I бынат – Бибылты Ирæйæн (15.15). II бынат та Дзугкойты Азæйæн (15.15).

Козаты Алан та райста I-æм бынат йæ хæрзад дзыккайы кондæн.

Кæрдзынты хуыздæр фыхæн та Чертыхъоты Оксанæйæн(14.14) радтой I бынат, Гæбæраты Роксанæйæн(15.14) та II бынат, III бынат та райста энергетикты хайад.

Цывзыдзæхдоны конды I бынат бацахста Беджызты Тамарæ (15.15), II – Грудаева Дашæ (18.14), III бынат – энергетикты хайад.

Дзæрнайы кондæй та I бынат бацахста Лазарты Æхсар (17.14).

Композициты астæу I бынат снысан кодтой Энергетикты хайадæн, сæ куыст «Фæззыгон бæркад»-æн.

Номинаци «Къухми» жюри иумæйагæй I бынат радтой Бокъоты Фатимæйæн (13.14), Савицкая Янæйæн (13.14) æмæ Гæбуты Алыксандрæн (17.14), кæцы скодта æцæг ирон чындз, къуымы лæугæйæ, мыдыкъусимæ. II-æм бынат бацахстой Елойты Дианæ (15.15) æмæ Плиты Дианæ (12.14). III бынат та уыд Бибылты Иринæйы (15.15).

Номинаци «Къулыгазет»: I бынат бацахстой Бокъоты Фатимæ (13.14), 5.16 «б» æмæ 5.14 къордтæ, стæй 8.16 къорд. II бынат лæвæрд æрцыд Акопян Самвелæн (14.14). III бынат – Тедеты Лидæйæн (12.16).

Кады грамотæтæй хорзæхджынгонд æрцыдысты номинациты архайджытæ, ерысты уæлахиздзаутæн та лæвæрд æрцыд зæрдылдарæн лæвæрттæ.

Нæ изæрæн кæрон скодта Гæцойты Станиславы фырт Эльбрус, нæ колледжы хъомыладон куысты директоры хæдивæг. Уый зæрдиаг арфæтæ ракодта конкурс чи бацæттæ кодта, уыцы ирон æвзаджы ахуыргæнджытæн, архайджытæн, активондæр къордты куратортæн æмæ чи æрбамбырд изæрмæ, уыдонæн.